APRENDIZAXE COOPERATIVA

Ola a todas e a todos:

Na xuntanza de hoxe falamos da aprendizaxe cooperativa e os vosos fillos, diciades, íanvos contando na casa a responsabiblidade que lle correspondía no grupo: mensaxeiros, responsables do tempo, do silenzo, do material.

Polo momento acordamos que os cargos son rotativos. Durante quince días terán un cargo e logo terán outro. Preguntabades en que consistía cada un. Estas son as responsabilidades que lles corresponden: 

Responsable do tempo

• Planifica o traballo e distribúeo entre os membros do grupo.
• Avisa,  de vez en cando, do tempo que falta para rematar.
• Asegúrase de que todos van facendo o traballo proposto e non quedan atrás.
• Fomenta a participación. Asigna o turno de palabra, di a quen lle toca falar de cada vez.
• Controla o tempo que fala cada un e o tempo no que hai que facer o traballo previsto.
• Asegúrase de que todos opinan e de que todos escriben o que lles corresponde.
• No final da sesión informará se  todos remataron as tarefas no tempo previsto.

Necesitará reloxio

Mensaxeiro/a:

§         Fala coa profesora: É o único do grupo con permiso para levantarse.

§         Escribe o que se acorda entre todos, lello oa grupo para asegurarse de que todo está ben.

§         Explica, resume o escrito en días anteriores, se é necesario.

§         Le os resultados, acordos, decisións. ... do grupo na posta en común coa clase.

§         Controla a ortografía e a corrección dos escritos. Necesitará  diccionario.

§         No final da sesión informará se  todos respectaron ao mensaxeiro ou se alguén falou coa profesora a destempo e sen consultar no grupo.

Encargado do material:

§         Ten que repartir o material que precisa o grupo e logo recollelo.

§         Na recollida: Ten que recoller as libretas xuntas e levalas ao seu lugar. Ten que recoller os libros xuntos e levalos ao seu lugar.

§         Ten que comprobar que nas mesas  (e debaixo das mesas) queda todo recollido e no seu lugar.

§         Ten que comprobar que non quedan papeis no chan.

§         Ten que comprobar que, antes do recreo, cada neno deixa o libro de ler enriba da mesa.

§         Ten que conseguir que no seu grupo todos dispoñan do material necesario para traballar: lapis, goma, bolígrafo, diccionario ....

§         No final da sesión informará se  todo o material está recollido e se todos tiveron o material necesario para traballar.

Encargado do  silenzo:

§         Controla o ton de voz. (Os compoñentes do grupo teñen que falar baixiño).

§         Avisa aos membros do grupo, cun xesto, dos momentos de silenzo:

v     cando a profesora levanta a man,

v     no traballo individual (en 1,2,4);

v     durante a lectura,

v     no Plan Lector,

v     cando a profesora explica ou os compañeiros expoñen.

§         No final da sesión informará se  o grupo mantivo o silenzo debido.